 |
Matthew 28 [1]
[2]
[3]
[4]
[5]
[6]
[7]
[8]
[9]
[10]
[11]
[12]
[13]
[14]
[15]
[16]
[17]
[18]
[19]
[20]
[21]
[22]
[23]
[24]
[25]
[26]
[27]
[28]
MT 28:1 But in the euentid of the sabat, that bigynneth to schyne in the firste dai of the woke, Marie Mawdelene cam, and another Marie, to se the sepulcre.
MT 28:2 And lo! ther was maad a greet ertheschakyng; for the aungel of the Lord cam doun fro heuene, and neiyede, and turnede awei the stoon, and sat theron.
MT 28:3 And his lokyng was as leit, and hise clothis as snowe;
MT 28:4 and for drede of hym the keperis weren afeerd, and thei weren maad as deede men.
MT 28:5 But the aungel answeride, and seide to the wymmen, Nyle ye drede, for Y woot that ye seken Jhesu, that was crucified;
MT 28:6 he is not here, for he is risun, as he seide; come ye, and se ye the place, where the Lord was leid.
MT 28:7 And go ye soone, and seie ye to his disciplis, that he is risun. And lo! he schal go bifore you in to Galilee; there ye schulen se hym.
MT 28:8 Lo! Y haue biforseid to you. And thei wenten out soone fro the biriels, with drede and greet ioye, rennynge to telle to hise disciplis.
MT 28:9 And lo! Jhesus mette hem, and seide, Heile ye. And thei neiyeden, and heelden his feet, and worschipiden him.
MT 28:10 Thanne Jhesus seide to hem, Nyle ye drede; go ye, `telle ye to my britheren, that thei go in to Galile; there thei schulen se me.
MT 28:11 And whanne thei weren goon, lo! summe of the keperis camen in to the citee, and telden to the princis of prestis alle thingis that weren doon.
MT 28:12 And whanne thei weren gaderid togidere with the elder men, and hadden take her counseil, thei yauen to the kniytis miche monei, and seiden, Seie ye,
MT 28:13 that hise disciplis camen bi nyyt, and han stolen hym, while ye slepten.
MT 28:14 And if this be herd of the iustice, we schulen counseile hym, and make you sikir.
MT 28:15 And whanne the monei was takun, thei diden, as thei weren tauyt. And this word is pupplischid among the Jewis, til in to this day.
MT 28:16 And the enleuen disciplis wenten in to Galilee, in to an hille, where Jhesus hadde ordeyned to hem.
MT 28:17 And thei sayn hym, and worschipiden; but summe of hem doutiden.
MT 28:18 And Jhesus cam nyy, and spak to hem, and seide, Al power in heuene and in erthe is youun to me.
MT 28:19 Therfor go ye, and teche alle folkis, baptisynge hem in the name of the Fadir, and of the Sone, and of the Hooli Goost;
MT 28:20 techynge hem to kepe alle thingis, what euer thingis Y haue comaundid to you; and lo! Y am with you in alle daies, in to the ende of the world.
| Christian Businesses | ||
American Unsecured is your single stop Funding Source Wedding Loans made easy with America One. Apply now. | Applications are now being accepted for a bad credit business loan . Visit Fast Approval for more details. Concerned about getting approved for a home mortgage loan with bad credit ? CreditMD can help you get approved. | Tackle the cost of college living with a Discover student credit card . Apply for a Personal Loan Online and receive up to $10,000 in your bank account. |