1 Corinthians 16
[1]
[2]
[3]
[4]
[5]
[6]
[7]
[8]
[9]
[10]
[11]
[12]
[13]
[14]
[15]
[16]
1 CORINTHIANS 16:1 Sa për të mbledhurit e ndihmave për shenjtorët, bëni edhe ju ashtu si i urdhërova kishat e Galatisë.
1 CORINTHIANS 16:2 Të parën ditë të çdo jave, secili nga ju le të vërë mënjanë aq sa mundet sipas të ardhurave të tij, që, kur të vij, të mos bëhen atëherë mbledhje ndihmash.
1 CORINTHIANS 16:3 Edhe, kur të vij, ata që ju do të miratoni, unë do t'i dërgoj me letra, që të çojnë në Jeruzalem dhuratën tuaj bujare.
1 CORINTHIANS 16:4 Dhe po të jetë e udhës që të shkoj vetë, ata do të shkon me mua.
1 CORINTHIANS 16:5 Edhe unë do të vij te ju, pasi të kem kaluar nëpër Maqedoni.
1 CORINTHIANS 16:6 Dhe ndoshta do të rri te ju, ose edhe të dimëroj, që ju të më përcillni kudo që të shkoj.
1 CORINTHIANS 16:7 Sepse kësaj here nuk dua t'ju shoh vetëm kalimthi, por shpresoj të rri pak kohë pranë jush, në dashtë Zoti.
1 CORINTHIANS 16:8 Dhe unë do të rri në Efes deri për Rrëshajët,
1 CORINTHIANS 16:9 sepse m'u hap një derë e madhe dhe e efektshme, dhe kundërshtarë ka shumë.
1 CORINTHIANS 16:10 Tani, nëse vjen Timoteu, kujdesuni që të rrijë me ju pa druajtje, sepse ai punon për veprën e Zotit ashtu si unë.
1 CORINTHIANS 16:11 Pra, asnjë të mos e përçmojë, por përcilleni në paqe që të vijë tek unë, sepse e pres bashkë me vëllezërit.
1 CORINTHIANS 16:12 Sa për vëllanë Apol, iu luta shumë që të vijë tek ju bashkë me vëllezërit, por ai s'deshi kurrsesi të vinte tani; por do të vijë kur ta ketë volinë.
1 CORINTHIANS 16:13 Rrini zgjuar, qëndroni të palëkundshëm në besim, silluni si burrat, jini të fortë.
1 CORINTHIANS 16:14 Dhe çdo gjë që bëni, ta bëni me dashuri!
1 CORINTHIANS 16:15 Tani, o vëllezër (ju e njihni familjen e Stefanas që është fryti i parë i Akaisë dhe që i janë kushtuar shërbesës së shenjtorëve),
1 CORINTHIANS 16:16 ju bëj thirrje që t'u nënshtroheni edhe ju atyreve dhe kujtdo që punon dhe mundohet në punën tonë të përbashkët.
1 CORINTHIANS 16:17 Edhe gëzohem për ardhjen e Stefanas, të Fortunatit dhe të Akaikut, sepse ata e plotësuan mungesën tuaj,
1 CORINTHIANS 16:18 sepse e freskuan frymën tim dhe tuajin; prandaj nderoni njerëz të tillë.
1 CORINTHIANS 16:19 Kishat e Azisë ju përshëndesin; Akuila dhe Prishila, bashkë me kishën që është në shtëpi të tyre, ju përshendesin shumë në Zotin.
1 CORINTHIANS 16:20 Të gjithë vëllezërit ju përshëndesin; përshëndetni njëri-tjetrin me një puthje të shenjtë.
1 CORINTHIANS 16:21 Të fala me shëndet me dorën time, të Palit.
1 CORINTHIANS 16:22 Nëse ndokush nuk e do Zotin Jezu Krisht, qoftë mallkuar! Maranatha a.
1 CORINTHIANS 16:23 Hiri i Zotit Jezu Krisht qoftë me ju.
1 CORINTHIANS 16:24 Dashuria ime qoftë me ju të gjithë në Krishtin Jezu. Amen.
