Home	Bible Study	Hymn Lyrics	Webmaster	Contact Us	Chinese Traditional	Albanian Bible
LifeLock	American Standard	Basic English	Bulgarian Bible	Cebuano Bible	Chinese Big5	Chinese GB
Life Lock	Darby English Bible	Douay-Rehims	Gaelic Manx	Gaelic Scotts	Greek NT	Greek OT
Greek NT	Greek NT Stephanos	Haitian - Creole	Hungarian Bible	Jewish Bible	King James	King James V2
Korean Bible	Latvian Bible	Maori Bible	Modern Greek	Rumanian Version	Russian Version	Ukrainian Bible
Webster's Bible	Weymouth NT	World English	Wycliffe NT	Youngs Literal	Display Help	Font Help

Main Index: Wycliffe New Testament

2 Corinthians 6

[1] [2] [3] [4] [5] [6] [7] [8] [9] [10] [11] [12] [13]

2COR 6:1 But we helpynge monesten, that ye resseyuen not the grace of God in veyn.
2COR 6:2 For he seith, In tyme wel plesinge Y haue herd thee, and in the dai of heelthe Y haue helpid thee. Lo! now a tyme acceptable, lo! now a dai of heelthe.
2COR 6:3 Yyue we to no man ony offencioun, that oure seruyce be not repreued;
2COR 6:4 but in alle thingis yyue we vs silf as the mynystris of God, in myche pacience, in tribulaciouns,
2COR 6:5 in nedis, in angwischis, in betyngis, in prisouns, in dissensiouns with ynne, in trauels, in wakyngis, in fastyngis,
2COR 6:6 in chastite, in kunnyng, in long abiding, in swetnesse, in the Hooli Goost,
2COR 6:7 in charite not feined, in the word of treuthe, in the vertu of God; bi armeris of riytwisnesse on the riythalf and on the lefthalf;
2COR 6:8 bi glorie and vnnoblei; bi yuel fame and good fame; as disseyueris, and trewe men; as thei that ben vnknowun, and knowun;
2COR 6:9 as men diynge, and lo! we lyuen; as chastisid, and not maad deed;
2COR 6:10 as sorewful, euere more ioiynge; as hauynge nede, but makynge many men riche; as no thing hauynge, and weldynge alle thingis.
2COR 6:11 A! ye Corynthies, oure mouth is open to you, oure herte is alargid;
2COR 6:12 ye ben not angwischid in vs, but ye ben anguischid in youre inwardnessis.
2COR 6:13 And Y seie as to sones, ye that han the same reward, be ye alargid.
2COR 6:14 Nyle ye bere the yok with vnfeithful men. For what parting of riytwisnes with wickidnesse? or what felouschipe of liyt to derknessis?
2COR 6:15 and what acording of Crist to Belial? or what part of a feithful with the vnfeithful?
2COR 6:16 and what consent to the temple of God with mawmetis? And ye ben the temple of the lyuynge God, as the Lord seith, For Y schal dwelle in hem, and Y schal walke among hem; and Y schal be God of hem, and thei schulen be a puple to me.
2COR 6:17 For which thing go ye out of the myddil of hem, and be ye departid, seith the Lord, and touche ye not vnclene thing;
2COR 6:18 and Y schal resseyue you, and schal be to you in to a fadir, and ye schulen be to me in to sones and douytris, seith the Lord almyyti.